Har Darr ko jaan na chahta hun main, Darr ke har kone mein jaana chahta hun main
Marne ka darr, khone ka darr, andhiyaare akelepan mein kisi aur ke hone ka Darr
pit jaane ka Darr, galat hone ka Darr, jo jaan se jyaada pyaari na ho us cheez ko bhi khone ka Darr
peeche reh jaane ka Darr, rasta bhatak jaane ka Darr, har Darr mein hona chahta hun main
school mein rehte teacher ka Darr, office mein shayad boss ka Darr,
padhai ke waqt numbaro ka Darr, kamaai ke waqt bhi numbero ka hi Darr,
Darr kya cheez hai dekhna chahta hun main
Darr ke samundar mein dubki maarna chahta hun main
Darro ke beech, bilkul beech mein tairna chahta hun main
Darro ke bistar par sokar dekhna chahta hun main
Darr ke raste par nange pair chalna chahta hun main
Har Darr se guzar jaane ke baad haskar kehna chahta hun main, BEEN THERE! DONE THAT! :D
Har Darr ko chuna chahta hun main, Shayad Darr ke liye Darr ban na chahta hun main!
Darr ki uchaainyon pe baith kar Neeche dekhna chahta hun main.
Darr ki Gehraaiyon mein let kar sona chahta hun main
Darr ki aankhon mein dekhna chahta hun main! Ye Darr kya cheez hai Samajh na chahta hun main! :)
Darr jindagi mein bohot jaruri hai, aur darr ka hona bhi to apekshit hai. Par jo Darr se jujhe nahi, Haare Jeete kya farak padta hai, lekin agar darr se jujhe hi nahi,
hahaha..
Fir ae dost jiye to kya jiye?
Regards,
TheChamp
